Freitag, 14.06.
00:00 Uhr bis 23:59 Uhr

Tau de Plattdüütschen Wochen (So 26.5. bis So 16.6.), utropen von denn Heimatverband Mecklenburg-Vorpommern, is uns Plattdüütsche Klönrunn up´n Darß mit eene Plattddüütsche Themenwoch uk dormang.

In de tweite Juni-Woch geiht dat rund üm de Sprak, de bit tau de Grotöllern- Generaschon noch bienah jedeen bi uns in Nuurden as Muddersprak räd hett. Hüt is sei nich blots een Dialekt sünnern as Minnerheitensprak anerkannt. Watt anno dunnemalt jedeen kennt hett, möt hüt plächt warden.

Dorüm hem de aktiven Plattdüütschen rund üm dat Darß-Museum een Programm up korte un grote Bein stellt: Wi hemm Darstellers von de Darß-Festspiele Born tau een lütt plattdüütschen Schnak inlad. Dat Borner Dorfensemble singt unner denn Titel „Vom Fischerdorf zum Urlaubsort“. Wi läsen Kortwieliges ut de eegen Fedder un Lieblingsbäukers. De Schaulkinners spälen Theoter „Von Fischer un sien Fru“. De Darßerin Doris Pagel löppt mit sei dörch denn Urt un verklort allens öwer de "Grote Stormflaut 1872". Liedermaker un Sänger Wolfgang Rieck singt för uns plattdütsche Leeder ut sien Programm „Un sei danzt…“.